"Шўртан" - "Машъал" учрашуви олдидан

Олий лиганинг 27-туридан ўрин олган бу баҳсга жамоамиз кечадан бошлаб Муборакда жиддий тайёргарликни бошлаган. Таркибдаги йўқотишлар борасида айтадиган бўлсак, бу турда ҳам Ҳумоюн Муртозаев жамоамизга ёрдам бера олмаслиги мумкин. Ундан ташқари Шоҳруҳ Достонов ҳам сафдан чиққан. Ёшлар сафида мунтазам майдонга тушиб келаётган Сирожиддин Аллаев учун ҳам мавсум деярли якунланган. Аллаев жароҳат олган ва даволанмоқда.

Бу ўйинни бухоролик Илгиз Танташев бошчилигидаги ҳакамлар гуруҳи бошқариб бориши ҳақида хабар берган эдик. Эртага жамоа ўринбосарлари учрашуви 14:30 да старт олса, асосий таркиб жамоалари ўйини 16:00 да бошланади.