Шевченко “Челси”га ўтгани ҳақида: Биз буни хотиним билан маслаҳатлашгандик

“Бу ўйлаб қабул қилиган қарор эди. Уни бутун оила бирга қабул қилгандик. Мен “Милан”да бир неча йил ўйнаб, кўплаб соврин ютиб бўлгандим. Ўзим учун келажакдаги тақдиримни тушуна олиш муҳим эди, шунинг учун янги жамоага ўтиш, янги мамлакатда бўлишни синаб кўришга қарор қилдим. Биз буни хотиним билан маслаҳатлашдик.

“Милан”да кераклича узоқ ўйнадим, ёш пайтимдан фаолиятимнинг энг чўққисига қадар. “Челси”га эса анча катта — 30 ёшда келдим. Деярли фаолиятимни якунлаш палласи эди. Бироқ мен яна 6 йил ўйнадим. Албатта, “Милан” “Челси”га қараган мен учун жуда бахтли жой эди. Аммо Лондонда орттирилган тажриба ҳам ўта фойдали бўлганди”,— дейди Шевченко.