Шерингем: "Кейн - Англия терма жамоасида жаҳон даражасидаги ягона ўйинчи"

Унинг фикрича, Кейн - Англия терма жамоасида жаҳон даражасидаги ягона ўйинчи.

"Харри юқори даражани кўрсатишда давом этмоқда, бу етарли даражада қийин. Агар клуб уни сотишга қарор қилса, Кейн ўзи учун қулай жойга бориши ва исталган жамоада ўйнаб кетиши мумкин. Лекин, "Тоттенхэм" шунчаки уни сақлаб қолиши шарт. Лондонликлар Кейн қолиши учун бу мавсум нимадир ютишлари керак. Уни бахтли қилиш, унга кўпроқ пул таклиф қилиш керак. Яъни, Харри бошқа топ футболчилар билан бир даражада бўлиши керак.

Агар сиз Жаҳон чемпионатини ютишни истасангиз таркибингизда камида 2 ёки 3 нафар жаҳон даражасидаги ўйинчи бўлиши керак. Англияда эса фақат - Кейн.

Англия терма жамоаси Россиядаги Жаҳон чемпионатига тайёр бўладими? Тўғрисини айтсам, йўқ. Агар сиз Жаҳон чемпионатини ютишни истасангиз таркибингизда камида 2 ёки 3 нафар жаҳон даражасидаги ўйинчи бўлиши керак. Англияда эса фақат - Кейн. Ҳа, бир қатор яхши футболчилар бор. Лекин, улардан айримлари ҳатто ўз клубларида ҳам асосий таркибга кира олмаяптилар. Бу инглиз футболи учун қўрқинчли. Бизни жуда оғир ёз кутмоқда. Биз учун ЖЧ-2018даги ўйинларни ютиш жуда қийин бўлади", - деди Шерингем.

Инглизларнинг мундиалдаги рақиблари Бельгия, Панама ва Тунис бўлади.