"Шарманда! Шарманда!" Хави 92-дақиқада "Вильярреал" дарвозаси томон белгиланган пенальти бекор қилинганидан сўнг камерага бақирди

Ла Лига доирасидаги "Вильярреал" (3:5)га қарши ўйинда "Барселона" хавбеки Илкай Гюндоганнинг берган зарбаси ярим ҳимоячи Санти Комесаньенинг тирсакига тегди. Бош ҳакам Хосе Мунуэра Монтеро аввалига нуқтага ишора қилди, аммо кейинчалик видеотакрорга йўл олди ва қарорини ўзгартирди.

Вазият ҳисоб 3:3 бўлиб турганда содир бўлди, шундан сўнг "кўк-анорранглилар" иккита тўп ўтказиб юборишди.

"Барселона" мураббийи Хави бу қарордан ҳайратда қолди.

"Шарманда! Шарманда!" – деб қичқирди Хави тўғри камерага қараб.

Хави "Реал" ўйинидаги ҳакамлик ҳақида: "Ла Лигани ютиш қийин бўлади. Айрим нарсаларни назорат қила олмаймиз ва бугун барча буни кўрди"