Шамил Ярулин: «Олександр Коблаш «Насаф» билан шартнома имзолади»

Бу аслида рост бўлиб чиқди.

Бунга ойдинлик киритиш учун, «Насаф» футбол клубининг бош менеджери Шамил Самигулович Ярулинга сайтимиз номидан мурожаат қилдик.

Шамил Самигулович, ўтган мавсумда Жиззахнинг «Сўғдиёна» жамоасида фаолият олиб борган украиналик легионер Олександр Коблаш бугундан «аждарлар»нинг тўлақонли аъзосига айланганини ва ушбу футболчи билан шартнома имзоланганини тасдиқлади.

Коблаш Олександр Геннадиевич
Туғилган санаси: 4 сентябрь 1989 йил (25 ёш)
Бўйи: 184 см
Фуқаролиги: Украина
Амплуа: Ҳужумчи
Сўнгги жамоаси: «Гелиос», «Сўғдиёна»

Бугун «Насаф» ПФК раҳбарияти ушбу футболчи шартнома имзолаган. Шунингдек Шамил Самигуловичнинг билдиришича, жамоа таркибини кучайтириш бўйича селекция ишлари яна давом эттирилади. Яна камида икки ёки уч нафар юқори савиядаги футболчилар жамоа сафига қўшиб олинади. Клубни бу борада молиявий қўллаб-қувватлашга, бош ҳомий — «Шўртангазхимё» мажмуаси раҳбарияти ҳам тайёр.

Шунингдек Шамил Самигулович келаси масумда мухлислар жамоадан катта натижаларни кутишаётганини билишини ҳам айтди: «Олдимизда миллий чемпионат ва кубок ўйинларидан ташқари қитъамизнинг энг нуфузли мусобақаси — Осиё чемпионлар лигаси мусобақаси турибди, биз ҳеч бир рақибни кучсиз дея олмаймиз. Шундай экан бунга астойдил тайёргарлик кўрамиз ва мухлислар олдида юзимиз ёрўғ бўлишини ҳоҳлаймиз. Бунинг учун бор имкониятимиз ва кучимиздан фойдаланамиз, ахир биз энди халқаро майдонларда мамлакатимиз шарафини ҳам ҳимоя қиламиз. Зиммамизга шундай шарафли маъсулият тушган экан — буни албатта оқлашга ҳаракат қиламиз», — дейди Шамил Самигулович.