RU

Последние новости

13:13Мундиал тугади. Кутилганидек, Бразилия - чемпион!  0 12:52Хаби Алонсо Клублар ўртасидаги ЖЧ "Реал" бош мураббийи бўлади  2 12:23"Реал" КЖЧ олдидан янги ҳимоячилар билан шартнома имзолайди  15 11:57"Навбаҳор" "Хоразм" устидан минимал ғалабага эришган ўйиндан ГАЛЕРЕЯ  1 11:35​"Наполи" Осимхен ўрнини ким билан тўлдириши маълум  0 11:11"Манчестер Юнайтед" ходимлари Европа Лигаси финалига бепул чипта олмайди  2 10:30МЮ 51 йиллик антирекордни янгилади  4 09:57“Барселона“га қарши ўйинда ҳакам икки марта “Реал“ фойдасига қўпол хатога йўл қўйган — Archivo VAR  69 09:25Ўзбекистон кубоги. Бугун ярим финалнинг дастлабки учрашувлари бўлиб ўтади  0 08:52Мавсумдаги 4-“Эл Классико“да ғалаба қозонган Флик кеча нималар деди?  34 08:21Францияда мавсумнинг энг яхшилари аниқланди. Рамзий термадан 9 нафар ПСЖ футболчиси жой олди  3 07:51Мбаппе "Реал"нинг барча даврларидаги рекордини янгилади  19 07:22Анчелотти кечаги мағлубият сабабларини маълум қилди  23 07:00Суперлига. "Сўғдиёна"ни Қобилов, "Машъал"ни эса Муртазоев мағлубиятдан қутқарди, "Навбаҳор" эса битта гол билан ғалабага эришди  0 02:12Сергей Лушан: "Битта голдан сўнг футболчиларни яна ҳужум қилишга мажбурлай олмаяпмиз"  7

Шаҳбоз Жўрабеков: "Жароҳатлар сабаб "Бунёдкор"да тўлиқ ўзимни кўрсата олмадим, 2025 йилдан эса умидим катта" Новости

Шаҳбоз Жўрабеков: "Жароҳатлар сабаб "Бунёдкор"да тўлиқ ўзимни кўрсата олмадим, 2025 йилдан эса умидим катта"

Ўтган мавсумни Навоий ва Тошкентда ўтказган футболчи билан интервью.

- Ўтган мавсумни икки хил жамоа таркибида ўтказдингиз. Икки жамоангизни эгаллаган ўрнида катта фарқ бўлмади. Бу борада ўзингизда қандай хулоса юзага келди? 

- Эътибор бериб интервьюга таклиф қилганингиз учун раҳмат. Фурсатдан фойдаланиб бутун Ўзбекистон аҳлини кириб келаётган 2025 йил билан табриклаб қоламан. Келгуси йил футболимиз учун янги саҳифалар очилиши учун сабабчи бўлишини тилаб қоламан. Айтганингиздек 2024 йилни икки жамоа таркибида ўтказишимга тўғри келди. Мавсумни Навоийда бошлаб Тошкентда тугатдим. Стартни жуда фаол бошладик. Навоийда ҳамма нарса вақтида эди.  Лекин ризқимиз Тошкентда экан. "Бунёдкор"га ҳам жуда яхши мослашиб кетдим. Жамоада ички муҳит аъло даражада бўлди. Шу боис ортиқча қийинчиликка дуч келмадим. Бундан ташқари жамоадагиларни яхши билардим. Инфратузилма, шароитлар бўйича "Бунёдкор"да ҳаммаси зўр эди.

- Иккинчи даврада "Бунёдкор"да позициянгизда рақобат кучли бўлди. Янги жамоага мослашиб кетишингиз қийин кечдими ёки рақобатда ютқазиб қўйдингизми?

- Бу борада муаммоларга дуч келганим йўқ. Рақобат бор жойда ўсиш бўлади. Агар рақобатдан қўрққанимда "Сўғдиёна" ёшлар жамоасида ўйнаб юрган бўлардим ёки "Навбаҳор"нинг юлдузли таркибига бормас эдим. Жароҳатлар футболчи учун энг ёқимсиз ҳолат. Айнан жароҳат сабаб тўлиқ ўзимни кўрсата олмадим. Ҳозирда ҳаммаси аъло даражада.

- "Бунёдкор" ниманинг ҳисобига ўзгарди?

- Жамоага янги қон қуюлди дея оламан. Иккинчи даврада таркибга қўшилган барча футболчилар вазиятни тушуниб тургандик. Йил якунида вазифа бажарилди. "Бунёдкор"да битта катта оила пайдо бўлди. Агарда йил бошида шу таркиб билан бошлаганимизда ишонинг жамоа аниқ кучли бешликка кира оларди. Асосий устун тарафи ҳамжиҳатликда бўлди. 

-  Суперлига-2024 мавсумга ва ўзингизга 10 баллик тизмда қандай баҳо берардингиз? Қанчалик кўнглингиз тўлди?

- Ўзимни ишимни 6 баллга лойиқ кўраман. Асл баҳони мухлислар ва мураббийлар беради. "Навбаҳор" таркибида ўйин амалиётисиз қолганим ва жароҳатлар руҳиятимга таъсир қилди дея оламан. Бу йил 25га яқин учрашувда майдонга тушдим. 2025 йилда ўзимнинг тўлиқ спорт формамга қайтиш учун бор кучимни ишга соламан.

- Келажагингизни қайси жамоа билан боғламоқчисиз?

- Очиғини айтганда аниқ бир таклиф йўқ. "Бунёдкор" билан шартномам 31 декабрь куни якунига етади. Ҳозир ҳамма жамоалар таътилда. Насиб қилса, яқин кунларда янгилик бўлиб қолади. Ҳаммаси яхшиликка.  Таклифларни маслаҳатлашган ҳолда қабул қиламан.

Автор : Iskandarov Abdulaziz
Рейтинг: +4   

Комментарии

championat.asia
< посмотреть последние новости
Яндекс.Метрика