Шаҳбоз Беғамов: "Араблар ҳам вақт чўзиб натижа қилолмаган"
18 мая 2022 11:36
Новости

Шаҳбоз Беғамов: "Араблар ҳам вақт чўзиб натижа қилолмаган"

Таниқли инсайдер Шаҳбоз Беғамов ўзбек футболига кириб келаётган иллат ҳақида пост қолдирди.

"Ўзбек футболидаги энг шармандали ҳолат бу вақт чўзиш бўйича футболчиларимиз "мутахассис"га айланиб қолишгани.

Биз вақтида араб футболидаги ушбу иллат устидан шу даражада кулганмизки, эндиликда замон айланиб, ўзбек футболчилари вақт чўзиш бўйича аввалги араб футболчиларидан анча илгарилаб кетишди. Аксинча, ҳозирда араб футболида симулация ишлатиб ётиб олишлар йўқолиб, бизда анъанавий урфга айланди.

Битта ҳақиқат борки, буни унутмайлик. Араблар ҳам вақт чўзиб натижа қилолмаган. Биз ҳам вақт чўзиб натижа қилолмаймиз. Натижага элтувчи энг осон ва тўғри йўл — футбол ўйнаш. Шуни яхшироқ узлаштиришимиз керак!", - деб ёзади Шаҳбоз Беғамов телеграмдаги ўз каналида.

Ссылка :

Источник : championat.asia

Получайте новости прямо в Telegram!

Рейтинг: +5