Сетьен расман истъефога чиқарилди

ЕЧЛ чорак финалида “Бавария”дан (2:8) учралган мағлубиятдан кейин клуб раҳбарияти мураббийни алмаштиришга қарор қилди. Янги мураббий номи яқин соатларда эълон қилинади.

61 ёшли Сетьен январда Эрнесто Вальверденинг ўрнини эгаллаганди.

Ушбу мураббий қўли остида жамоа Ла Лига чемпионлиги учун курашда “Реал”га имкониятни бой бериб, иккинчи ўринни эгаллади. Шунингдек, каталонияликлар Испания кубоги чорак финалида “Атлетик”ка (0:1) ҳам имкониятни бой беришганди.