Грек нашри Outsiders хабарига кўра, Афинанинг "Панатинаикос" клуби раҳбарлари мутахассисни ўз жамоасига таклиф қилишдан жиддий манфаатдор.
Манбаларга кўра, клуб бошқарувчилари тузган қисқа рўйхатда биринчи ўринни айнан украиналик мутахассис эгаллаб турибди. Грек томони Ребровга уч марта қўнғироқ қилган ва музокара олиб боришга уринган. Илк икки уринишда мураббий "бу имконият ҳақида эшитишни ҳам истамаган", бироқ учинчи мартада суҳбат ижобий натижа бериши мумкин.
Шунингдек, хабарда таъкидланишича, агар Ребровнинг терма жамоадан кетиш масаласи ҳал этилса, катта эҳтимол билан у миллий жамоалар ўйинлари учун бериладиган навбатдаги танаффусдан сўнг "Панатинаикос" бош мураббийи сифатида иш бошлайди. Чунки молиявий жиҳатдан томонлар ўзаро келишувга эришган.
Эслатиб ўтамиз, Сергей Ребров 2023 йили Украина терма жамоаси бош мураббийи этиб тайинланган эди. Унинг қўл остида жамоа фақат бир йирик турнир — Евро-2024да қатнашди. Украина Белгия, Словакия ва Руминия билан бир гуруҳда тўп сурди. Тўрт очко тўплаганига қарамай, голлар нисбати бўйича охирги ўринни эгаллади.
Ҳозирги кунда Украина термаси жаҳон чемпионати-2026 саралашида икки ўйин ўтказиб, бир очко жамғарди. Ребров шогирдлари ўз гуруҳида учинчи ўринни эгаллаб турибди.
U-17 ЖЧ. Ўзбекистон Панама дарвозасига 6 та тўп йўллади
Шавкат Мирзиёев Янги Тошкентда барпо этиладиган 55 минг ўринли стадион қурилишига тамал тоши қўйди
Ла Лига. "Сельта" ва "Барселона" ўртасидаги ўйинда 6 та гол урилди, Де Йонг майдондан четлатилди
Суперлига. Бугун 3 та учрашув бор
Комментарии