RU

Последние новости

14:57"Ал Иттиҳод" Педро учун 35 миллион евро таклиф қилди  0 14:35"Мамлакатимизда футбол ривожланмоқда, балки кейинги мундиалда иштирок этишимиз мумкин". Қирғиз Республикаси бош мураббийи иштирокидаги матбуот анжумани (тўлиқ)  0 14:02Аргентина терма жамоасининг бўлажак ўйинлар учун таркиби маълум  0 13:33"Реал" афсонаси: "Олмаотага учиш Нью-Йоркка учишдек гап"  7 13:04"Фенербахче" Моуриньюни бош мураббий лавозимидан озод этди  6 12:52Туркманистон бош мураббийи Ровшан Мередов: "Бу савол менга эмас"  2 12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  15 11:56Тимур Кападзе Паулу Бенту ҳақида фикр билдирди  30 11:44Карлуш Кейруш: "Бир неча йил аввал Ўзбекистон футболи "уйқу"да эди"  24 11:40Карлуш Кейруш Паулу Бенту ҳақида фикр билдирди  0 11:20Ўзбекистон МТЖ эртага янги формада ҳаракат қилади  12 10:53Довбик А Сериянинг бошқа жамоасига ўтишга яқин  5 10:28Хави Симонс фаолиятини АПЛда давом эттиради (Фабрицио Романо)  7 09:57Адриен Рабьо "Милан"га ўтмайди, онаси унинг "Марсель"да қолишини истамоқда  1 09:25Ислом Исмоилов: "Жаҳон чемпионати олдидан Англия, Канада, Марокашга қарши ўйнаш жамоага куч беради"  1

Сергей Лушчан: "Биринчи ўрин? Имкониятимиз бор албатта, лекин..." Новости

Сергей Лушчан: "Биринчи ўрин? Имкониятимиз бор албатта, лекин..."

Бугун Фарғонада ПРО-Лиганинг қолдирилган 9-тур учрашуви бўлиб ўтди.

 



Мазкур тур доирасида Фарғонанинг "Истиқлол" клуби Самарқанднинг "Динамо" жамоасини қабул қилди. Учрашувдан сўнг меҳмонлар бош мураббийи Сергей Лушчан ўз фикрларини билдириб ўтди.

- Сергей Иванович, бугунги ўйин ҳақида фикрларингиз қандай?

- Яхши ўйин бўлди. Ҳар икки жамоа ҳам охирги дақиқаларгача майдонда кураш олиб борди. Ўйин тақдирини сўнги дақиқаларда урилган гол ҳал қилди. Йигитлар оғир ўйин ўтказишди. Бугунги ўйинни Суперлига сари босилган яна бир қадам деб ҳисобласак бўлади. Жамоамиз футболчилари охиригача кураш олиб боришди ва якунда ғалабага эришдик. Мухлисларга манзур бўладиган томошабоп ўйин бўлди.

- "Динамо"нинг ПРО-Лигада биринчи ўринни эгаллаши имкониятларини қандай баҳолайсиз?

- Биринчи ўрин? Имкониятимиз бор албатта. Лекин бунинг учун рақобатчиларимиз кўрсатадиган натижага ҳам эътибор қаратишга мажбурмиз. Биздан олдинда бораётган жамоалар очко йўқотадиган бўлса, биз қолган барча ўйинларни ютсак ПРО-Лигада биринчи ўринни қўлга киритишимиз мумкин. Бу жуда қийин бўлади. Албатта, бунга бор имкониятимизни ишга солиб ҳаракат қиламиз.

- Навбатдаги ўйин ҳақида нималарни айта оласиз?

- Кейинги ўйин ҳақида нима дейишим мумкин? Албатта, оғир ўйин бўлади. "Турон" яхши шаклланиб келаётган жамоа. Улар бежизга 3-ўринни эгаллаб тургани йўқ. Навбатдаги икки учрашувимиз пешқадамларга қарши ўтади. Айтиб ўтганимдек, бизни қийин учрашувлар кутиб турибди.

- "Динамо"нинг кейинги режалари ҳақида нималарни айта оласиз?

- Биз янги жамоа тузмоқдамиз. Табиий холда бунга озроқ вақт керак бўлади. Масалан, ПРО-Лига пешқадами “Шўртан" жамоаси футболчилари 2-3 йилдан бери ўйнашмоқда. "Динамо"ни рақобатбардош ва курашувчан жамоа этиб шакллантириш учун ҳаракат қилмоқдамиз. Бугун камида 3 та яққол имкониятдан фойдалана олмадик. Муҳими якунда 3 очко эгасига айландик.

- Айни дамда Италиянинг "Женоа" клуби таркибида ўйнаётган Элдор Шомуродов сизнинг шогирдингизми?

- Йўқ, Шомуродов Муборакнинг "Машъал” клуби тарбияланувчиси ҳисобланади. Биз Элдорни имкониятларини кўриб чиқиб жамоамизга таклиф этганмиз. Шомуродовга янги жамоасида омад тилайман.


Бекзод Толибов ёзиб олди

Рейтинг: +3   

Комментарии

championat.asia
< посмотреть последние новости
Яндекс.Метрика