Сергей Ковшов: “Йигитларга раҳмат айтаман”

- Ўйин биз учун ижобий яунланди. Керакли уч очкони қўлга киритдик. Йигитлар вазиятни яхши тушуниб турганди. Шунинг учун улар охиригача курашди. Албатта улардан бунинг учун жуда миннатдорман – дея гап бошлади Сергей Геннадевич.

- Бугун ўзгаришлар ҳам ўзини оқлади. Айниқса Шукур Жумабоев захирадан тушиб, имкониятдан унумли фойдаланди ва гол урди. Балки ўйин борасида камчиликлар бўлгандир. Лекин асосийси биз керакли натижани қўлга киритдик. Олдинда бизни янада қийин ўйин кутиб турибди. Фарғонада ҳам осон бўлмаслиги турган гап. “Нефтчи”да икки йил ишладим ва бу жамоани яхши биламан. Чемпионат тугашига яна 5та тур ўйини қолди. Албатта қолган баҳсларда ҳам имкон қадар кўпроқ очко жамғариб, олдимизга қўйилган вазифани бажаришга ҳаракат қиламиз.

- Абдуллоҳ Олимовнинг алмаштирилиши нима блан боғлиқ?
- Олимов иқтидорли футболчи. Биласизми у яқинда ОТЖ йиғинида бўлиб қайтди. У ерда жароҳат орттириб олганди. Бугун ҳам ўша жарохат билан ўйнади. Шу боис иккинчи бўлим ўрталарига келиб эса уни алмаштиришга қарор қилдик – дейди Ковшов.

Исломбек Рустамбеков ёзиб олди