Сергей Лушан: “Бунёдкор”даги энг қийин ва оғир ўйинимни ўтказдим

- “Бунёдкор”да ўтказган бешта ўйинимни олиб қарасак, энг қийин ва оғир баҳс бўлди. Рақибни дуранг қониқтирарди. Шу боисдан ҳам рақиб орқа чизиққа эътибор бериб ўйнади. Уларни ўзимизга жалб этган ҳолда, ўзимиз вазият яратишга ҳаракат қилдик. Марказда йўқотишлар кўп бўлди. Энди жавоб ўйини ҳақида бош қотирамиз. Бугунги ўйинни таҳлил қилиб, керакли хулосаларга келамиз. Мени хурсанд қилган жиҳат шуки, охирги дақиқада гол урдик ва ғалаба қозондик. Бунгача охирги дақиқаларда гол ўтказиб юбораётгандик. Футболчилар прессинг футболга ҳали тайёр эмаслар. Шу боисдан ҳам имкониятдан келиб чиқиб ўйнаяпмиз. Босқичма-босқич ўзимиз истаган жамоани тузамиз, - дейди Сергей Иванович.