RU

Последние новости

00:51Сарри Римга қайтишга яқин  2 00:21"Ал Ҳилол" Зиданга йилига 100+ млн евро таклиф қилганди. Мураббий эса...  2 23:10Раҳмоналиев экстра-таймларда майдонга тушган ўйинда "Сабаҳ" "Қорабоғ"ни енгиб, Озарбайжон кубоги соҳиби бўлди! Клуб Европа лигаси саралашида иштирок этади  0 22:50Баҳром Ҳайдаров: "Селекция ишлари ҳар бир жамоада мунтазам давом этади"  1 22:33Виталий Левченко: "Чемпионатда танаффус юзага келганида шу каби ўртоқлик ўйинлари жамоа учун фойдали бўлади"  1 22:05CAFA U-17 Championship 2025. Ўзбекистон 120 дақиқа давом этган финалда Тожикистонга аламли тарзда ютқазди  58 21:20Назорат учрашуви. "Нефтчи" Фарғонада "Қўқон-1912" билан дуранг ўйнади  2 20:55Ўзбекистон U-23 назорат ўйинида "Хоразм"ни мағлуб этди  1 20:22Бугун финал! УЕФА Чемпионлар Лигаси бош соврини кимга насиб қилади?  26 20:11ОФК вакиллари 2 юлдузли "Бунёдкор" академиясига қандай баҳо беришди?  2 20:00Холид Ал Данҳани: "Бор эътиборимиз Ўзбекистон билан ўйинга қаратилган"  3 18:50Ўзбекистон Кубоги финали олдидан: "Оил Стар" ва БМБ бош мураббийлари қандай фикр билдирди? (тўлиқ матбуот анжумани)  1 18:43"Реал" дарвозабони клубни тарк этишга яқин  1 18:10ҚПЛ. "Турон" меҳмонда "Улитау"га мағлуб бўлди, меҳмонлар сафида уч ўзбекистонлик ҳаракат қилди  0 17:38"Атлетико" Фернандо Торрес билан шартномани узайтирди  0

Сени яхши кўрамиз, "Металлург" Новости

Сени яхши кўрамиз, "Металлург"

Бу изҳор менга тегишли эмас, албатта.

Бироз аввал "Пахтакор" клуби ўз майдонида, кутилганидек, "Металлург"ни мағлубиятга учратди. Шунга қарамай, бекободликлар яхши қаршилик кўрсата олишди. Бироқ ғалаба барибир кўпчилик фараз қилган томонга насиб этди. Шу тариқа, Суперлига дорасидаги кетма-кет 16-ўйинда пойтахтликларнинг қўли баланд келди. 

Тошкент вилояти жамоаси охирги марта 7 йил муқаддам, сочимни ёнбошга тараганча, коллеждаги дарсдан қочиб юрган кезларимда ғалаба нашидасини сурган.

“Металлург” (Бекобод) – “Пахтакор” (Тошкент) 2:0

Ҳакамлар: Ш. Қосимов (Тошкент), Ф. Ёрмуҳаммедов (Тошкент), Б. Баҳромов (Тошкент), Н. Қосимов (Қарши).

Назоратчи: А. Попов (Тошкент).

ЎзПФЛ вакили: В. Леткин.

Гол: Муроджон Тошматов 24, - 1:0 (Жавоҳир Эсонқулов). Ислом Қобилов 69, - 2:0 (Муроджон Тошматов)

“Металлург”: 32. Суҳробжон Султонов, 4. (с) Ҳикмат Ҳошимов, 6. Дилмурод Каримов (70. Жаҳонгир Абдумўминов, 85), 7. Дониёр Одилов (9. Фарҳод Намозов, 86), 8. Аюбхон Нўъмонов, 11. Фаррух Шотурсунов, 13. Жавоҳир Эсонқулов (19. Эргаш Исмоилов, 90+3), 14. Давронбек Каримқулов, 17. Мирғиёс Сулаймонов, 22. Муроджон Тошматов, 40. Исломжон Қобилов.

Захира: 91. Зафар Сафоев, 5. Жасур Аҳмедов, 23. Шерзод Жалилов, 77. Саиджон Абдужабборов.

“Пахтакор”: 16. Александр Лобанов, 4. Аднан Ораховац (48. Тимур Толипов, 77), 5. Акбар Исматуллаев, 7. Азимжон Аҳмедов, 9. Жалолиддин Машарипов, 10. Жамшид Искандаров, 14. Жамшид Болтабоев (17. Акобир Тўраев, 89), 21. (с) Камолиддин Тожиев, 24. Даврон Ҳошимов, 28. Станислав Андреев, 55. Жасурбек Хакимов (51. Андрей Сидоров, 46).

Захира: 50. Умиджон Хамроев, 3. Ҳожиакбар Алижонов, 6. Аббос Отахонов, 32. Жасурбек Яхшибоев.

Огоҳлантиришлар: Камолиддин Тожиев (36), Азимжон Аҳмедов (54), Андрей Сидоров (63).

Четлатиш: Анвар Рашидов (“Пахтакор” мураббийи, 64).

Тўғри, бугунги баҳсда "шерлар" учун "рақибга ҳамла қилиш" осон бўлмади. Кетма-кет 14 ўйиндан буён камида иккита голни ҳадя қиладиган "Пахтакор" бу сафар битта тўп билан кифояланди. 

Ўқувчилик йилларимда директор хонасига кириш мен учун қанчалик нохуш бўлса, "Металлург" учун "Пахтакор" стадионга ташриф буюриш шунчалик аянчли саналади. Пойтахтдаги тархий майдонда ўтган 27 та баҳснинг бирортасида бекободликларнинг қўли баланд келмаган. Устига-устак шулардан атиги иккитасида меҳмонлар бир очколи бўлишган. Қолган барча баҳсда пойтахтликлар тарози палласи оғир тортган. Шундай экан, "Металлург"ни "Пахтакор" яхши кўрмай, ким яхши кўрсин.

Веско Стешевич шогирдларини кейинги турда "Сўғдиёна" кутиб турибди. Хавфли зонага яқин турган клуб бўлажак рақибининг ҳам севимли жамоаларидан бирига айланишни истамаса керак.

Рейтинг: -4   

Комментарии

championat.asia
< посмотреть последние новости
Яндекс.Метрика