Саудия Арабистони. "Насаф" ва "Пахтакор"нинг рақибларида ғалаба

ОЧЛ-2016да Ўзбекистон клублари билан бир гуруҳдан ўрин олган клублар ҳақида маълумот берамиз.

Бу турда "Пахтакор" билан бир гуруҳдан жой олган "Ал Ҳилол" сафарда "Хажер" клуби меҳмони бўлди. Ўйинда Гиоргиос Донис шогирдлари 5:1 ҳисобидаги ғалабани тантана қилишди. Салман Ал Фараж, Файсал Дарвиш, Абдуллоҳ Ал Зори, Аилтон Алмейда ва Муҳаммад Жаҳфали урган голлар мезбонлар дарвозасидан ўрин олди.

11та ўйиндан 27 очко тўплаган "Ал Ҳилол" иккинчи ўринда бормоқда. Жамоа кейинги баҳсни 19 декабрь куни сафарда "Ал Файсали Ал Мажмаа"га қарши ўтказади.

"Хажер" - "Ал Ҳилол" 1:5
Голлар: Жассим Ал Ҳамдан 11 - Салман Ал Фараж 18, Файсал Дарвиш 30, Абдуллоҳ Ал Зори 65, Аилтон Алмейда 72 пенальти, Муҳаммад Жаҳфали 90+2.
"Ал Ҳилол": Холид Шараҳили, Дигао, Абдуллоҳ Ал Зори, Муҳаммад Жаҳфали, Сауд Карири, Карлос Эдуардо, Салмон Ал Фараж, Муҳаммад Ал Қарни (Ёсир Ал Қаҳтони, 70), Файсал Дарвиш, Аилтон Алмейда (Носир Ал Шамрони, 74), Холид Ал Каби (Муҳаммад Ал Шалҳуб, 74)

"Насаф"нинг бўлажак рақиби "Ал Аҳли" клуби ўз уйида "Ал Раед" билан куч синашди. Ўйинда майдон эгалари Умар Ал Соманинг хет-триги эвазига 3:1 ҳисобида ғалабага эришишди. Кристиан Гросс шогирдлари 27 очко тўплаб мусобақа жадвалида биринчи поғонада боришмоқда. Жамоа навбатдаги баҳсни "Ал Фатеҳ" клубига қарши 20 декабрь куни сафарда ўтказади.

"Ал Аҳли" - "Ал Раед" 3:1
Голлар: Умар Ал Сома 24 пенальти, 71 пенальти, 82 - Эйд Муҳаммад  49.
"Ал Аҳли": Ёсир Ал Мусайлим, Осама Ҳавсави, Оқил Ал Саҳби (Муҳаммад Амман, 69), Али Ал Зубайди, Мутаз Ҳавсави, Тайсир Ал Жассим, Ҳуссайин Ал Могаҳви, Муҳанад Асири (Фаҳад Ҳамад, 77), Салман Ал Моашер, Ҳассан Сирож (Солиҳ Ал Жамаан, 65), Умар Ал Сома.