Сардор Рашидов: “Бизга бироз вақт беринг”

"Аввало сўнгги пайтларда жамоамизни “Бунёдкор” стадионида қўллаб-қувватлаётган мухлисларга раҳмат айтаман. Бундай шароитда тўп тепиш тўғриси бизга роҳат бағишлаяпти. ОЧЛ ўз йўлига, чемпионатда ҳам шундай бўлса сизларга жамоамиз номидан катта раҳмат айтаман. “Персеполис” билан ўйинга тўхталсам, натижа учун узр сўрайман. Кўп жойида мендан ҳам хато ўтди. Ўз устимда ишлашга ваъда бераман. Тўғри кейинги ўйинда хато қилмайман деб айта олмайман. Аммо ҳар бир ўринли танқидни 100 фоиз тўғри қабул қиламан ва ўз устимда янада ишлашга ҳаракат қиламан. Бу отамнинг ҳам орзуси.

Жамоамизни кўраяпсизлар, бу йил ўйинда ўсиш бўлди, демак кейинги йил янада яхши бўламиз. Аввало шу жамоада кўп йиллар ўйнашни истайман, аммо имкон бўлди дегунча МТЖ манфаати йўлида кучлироқ чемпионатга кетишни истайман. Энди “Лаҳвия”га қарши ўйнаймиз. Бу ўйин ҳам ўз майдонимизда бўлади, “Пахтакор” ва “Бунёдкор” мазкур турда тошкентлик ва Тошкент жамоаларига ОЧЛда бефарқ бўлмаган мухлисларни қувонтиришларига ишонаман. Яна бир бор стадионга келаётган мухлисларга раҳмат айтаман ва улардан узр сўрайман", - дейди Рашидов