“Сандерленд” футболчиси ўз клубини ҳақорат қилгани учун жазоланади
01 авг 2017 01:02
Новости

“Сандерленд” футболчиси ўз клубини ҳақорат қилгани учун жазоланади

Англиянинг “Сандерленд” клуби ярим ҳимоячиси Даррон Гибсон “Селтик”дан қабул қилинган йирик ҳисоб (0:5)даги мағлубиятдан сўнг ўз эҳтиросларини жиловлай олмади.

У ўз жамоасини куракда турмайдиган сўзлар билан ҳақоратлаган. Ўша пайтда Гибсоннинг маст ҳолатда бўлгани айтиляпти. Унинг хатти-ҳаракатлари видео тасвирга муҳрланган. Кейинчалик футболчи бунинг учун кечирим сўраган.

“Даррон Гибсоннинг ҳаракатларини ҳеч қанақасига оқлаб бўлмайди. Бу клуб нуфузига салбий жиҳатдан таъсир ўтказади. Шу сабабли ҳам Дарроннинг бу ишини жазосиз қолдирмаймиз”, – дейилади клубнинг расмий баёнотида.