Саидазамат Мирсаидов: "Исталган рақиб билан ўйнай олишимиз ва жанг қилишимиз мумкин"
08 июн 2024 11:33
Новости

Саидазамат Мирсаидов: "Исталган рақиб билан ўйнай олишимиз ва жанг қилишимиз мумкин"

Теги : Ўзбекистон ОТЖ Саидазамат Мирсаидов

Ўзбекистон ОТЖ ҳимоячиси Саидазамат Мирсаидов Малига қарши кечган ўртоқлик учрашувидан сўнг фикрлари билан ўртоқлашди.

"Қийин ўйин бўлди. Учрашувни яхши бошладик ва биринчи бўлиб ҳисобни очдик. Голдан кейин ҳам вазиятларимиз етарлича эди. Биринчи бўлимдаёқ баҳс тақдирини ҳал қилганимизда ишимиз енгиллашарди.

Мали билан учрашувлар яхшигина тажриба вазифасини ўтайди. Айнан бу даражадаги рақиблар билан камчиликларимизни кўриб оламиз. Ҳа, вазиятлардан фойдалана олмадик. Бунинг устида яна ишлаймиз. Исталган рақиб билан ўйнаш мумкин. Парижда ҳам жанг қилишга тайёрмиз",- дейди Саидазамат Мирсаидов.