Саид Бузамбу: "Ўзбекистонга қарши ўйинда пенальти бор эди"

"Умуман олганда, бугунги ўйин ҳиссиётларим аралашиб кетди. Биз ҳисобда олдинга чиқдик, рақиб тенглаштирди. Яна олдинга чиқавердик, яна ҳисоб тенглашаверди. Биз жуда имкониятлар яратдик.

Пенальти ишлаган вазиятимиз жула тез содир бўлди. Шеригимдан тўпни қабул қилиб олдим, улар мени қулай вазиятга олиб чиқишди. Шунда рақибдан кимдир сирпанаётганини кўрдим ва зарба йўлламасдан уни чалғитдим. Зарба йўллаш ўрнига кутишни афзал кўрдим, у эса йиқилди. Мен зарба йўллаганимда тўп рақиб футболчисининг қўлига текканини дарҳол пайқадим. Агар ВАР пенальти белгиламаганда, ғалати иш бўларди.

Биринчи ўйинда мағлуб бўлмаслик муҳим эди. Коста-Рикага қарши ўйинда ҳам ўз кучимизни намоён эта оламиз. Бунга тўлиқ ишончим комил.

Бизда кейинги босқичга чиқиш учун имконият етарлича. Ўйлайманки, ўйиндан ўйинга кучайиб борамиз. Мақсадимиз — плей-оффга йўл олиш. Жамоадаги муҳит ажойиб", деди Бузамбу.

Оқил Абдубарноев тайёрлади.