Рустам Умаров: "Олмалиқ" Осиё чемпионатида медаллар учун кураша олади"
11 июл 2016 18:08
Новости

Рустам Умаров: "Олмалиқ" Осиё чемпионатида медаллар учун кураша олади"

Тошкент вилоятининг "Олмалиқ" жамоаси бугун кечқурун клублар ўртасидаги Осиё чемпионатида иштирок этиш учун Таиланд пойтахти Бангкок шаҳрига учиб кетади.

Мусобақа олдидан клуб дарвозабони Рустам Умаров ўз фикрлари билан ўртоқлашди.

"Осиё чемпионатида бизга оғир гуруҳ тушди. Ливанда ҳам, Эронда ҳам ички чемпионатлар жуда кучли. "Тасисат Дарёи" клуби ўтган мусобақанинг ғолиби ҳисобланади. Улар бу йил ҳам ушбу совринни ўзларида сақлаб қолиш мақсадида Таиландга боришади. Гуруҳдан чиқадиган иккинчи жамоа номи "Ал Маядин" билан ўзаро баҳсда маълум бўлади.

Агар гуруҳдан чиқа олсак "A" гуруҳидаги "Чонбури Блювейв" ва "Нагоя Оушенс" каби гигантларга қарши ўйнашимиз мумкин. Иккала клуб ҳам сўнгги йилларда Осиё чемпионати финалларига чиқишган. Чорак финал ҳам осон ўтмайди. Менимча "Олмалиқ" бу жамоалардан асло кам эмас ва медаллар учун кураша олади!"

Ссылка :

Источник : ufa.uz

Получайте новости прямо в Telegram!

Рейтинг: +5