Рустам Мирсодиқов: "Олдинда ҳали жавоб ўйини бор"
13 июн 2015 10:16
Новости

Рустам Мирсодиқов: "Олдинда ҳали жавоб ўйини бор"

Ўзбекистон Кубоги нимчорак финали дастлабки баҳси “Андижон” ва “Металлург” (3:1) учрашувдан сўнг ўтказилган матбуот анжуманининг биринчи қисмида бекободликлар устози Рустам Мирсодиқов иштирок этди.

- Ўйин қандай кечганлигини ўзларинг кўрдинглар. Кубок учрашуви бўлани боис бугун мен кўпроқ захирада ўтирган футболчиларга ўйнаш имкониятини бердим. Буни таркибимизда кимлар ўйнаганидан ҳам билса бўлади. Ушбу ўйин орқали захирамиздаги футболчиларни текшириб кўрдик. Эртага ўйин видеоёзувини кўрганимдан сўнг учрашувни таҳлил қилиб керакли хулосаларни чиқаришим мумкин. Бугун ютқаздик, шу боис ўйиндан қониқдим дея олмайман. Захира қолиб кетаётган ўйинчилар бундай имкониятдан фойдаланиб ўзларини кўрсатишлари керак эди. Лекин ундай бўлмади.
- Футболда ҳамма нарса бўлиши мумкин. Жавоб баҳсида бугун ўйнай олмаган асосий футболчиларимизни майдонга тушираман. Ўз майдонимизда керакли натижага эришишга ҳаракат қиламиз. Ҳозирча устунлик андижонликлар тарафида. Тўғри, чемпионатда “Андижон”ни ўз уйимизда 5:1 ҳисобида мағлубиятга учратдик. Бугун эса уларнинг қўллари баланд келди. “Андижон”ни кучсиз жамоа деб ўйламайман. Ўтган турда улар Жиззахда “Сўғдиёна”ни енгиб қайтишди. Футболда олдиндан бир нима деб бўлмайди.

Ссылка :

Источник : andijon-pfc.uz

Получайте новости прямо в Telegram!

Рейтинг: