Румменигге: “Тьяго янги чақириқларни қабул қилмоқчи”
01 авг 2020 00:24
Новости

Румменигге: “Тьяго янги чақириқларни қабул қилмоқчи”

“Бавария” клуби бошқарув раиси Карл-Хайнц Руммениггенинг айтишича, клуб Тьяго Алькантара билан амалдаги шартномани узайтириш борасида бир тўхтамга кела олмади.

Клуб раҳбарининг айтишича, испаниялик футболчи фаолиятини бошқа жойда давом эттириш ниятида.

“Тьягонинг вакиллари билан музокара олиб бордик. Қайсидир вақтга келиб биз келишувга эриша оламиз деб ўйладик ҳам. Аммо Тьягонинг ўзи янги чақирувларни қабул қилиш ниятида эканлигини маълум қилди. “Бавария” футболчининг қарорини ҳурмат қилиши ва бунга кўникиши лозим.

Алькантаранинг амалдаги шартномаси яна бир йил амалда бўлади. Агар қайсидир клуб уни ўз сафида кўришни истаса, бизга маълум бир миқдордаги маблағни тўлаб бериши лозим бўлади. 35 миллион евро? Мен бундай саволларга оммавий тарзда жавоб бера олмайман.

Биз ҳар бир вазиятни назорат қилиб турибмиз. Илгари айтганимдек “Бавария” ёзда футболчиларини сотиш ниятида эмас”, дея Румминиггенинг сўзларидан иқтибос келтирмоқда Sky Germany.

Ссылка :

Источник : Sky Germany

Получайте новости прямо в Telegram!

Рейтинг: +2