Руди Гарсия "Рома"дан кетиши мумкин

"Рома"нинг "Барселона"дан қабул қилиб олган қақшаткич зарбасидан сўнг клуб президенти Жеймс Палотта бош мураббий масаласини кўриб чиқишни бошлади.

"Рома" Европа чемпионлар лигаси доирасидаги 5-тур ўйинида "Барселона"га 1:6 ҳисобида мағлуб бўлганди. Клуб раҳбарияти Руди Гарсияга БАТЭга қарши ўйинда шарт қўймоқчи. Агарда жамоа БАТЭни мағлубиятга учратишни уддалай олмаса Гарсия истеъфога чиқарилиши мумкин.

Бу ўйин "Рома" учун жуда муҳим ҳисобланади. "Рома" БАТЭ билан ўйинда ғалаба қозона олмаса, катта эҳтимол билан гуруҳда қолиб кетиши мумкин.

"Рома"га Руди Гарсияни алмаштириши мумкин бўлган мутахассислар сифатида Вальтер Маццари ва Лучано Спалетти номзоди тилга олинмоқда.