Руди Гарсия Машарипов тўп тепаётган "Ал Насср" клуби бош мураббийига айланди
29 июн 2022 16:08
Новости

Руди Гарсия Машарипов тўп тепаётган "Ал Насср" клуби бош мураббийига айланди

"Лион" ва "Рома" собиқ устози Руди Гарсия "Ал Насср"ни бошқаришга киришди, дея хабар берди Саудия Арабистони клуби матбуот хизмати.

Клуб 58 ёшли мураббий билан тузилган келишув тафсилотларини ошкор этмаган.

"Ал Насср" директорлар кенгаши раиси Мусли Ал Муаммар франциялик мутахассис Руди Гарсия билан шартнома имзолади, у клубнинг асосий жамоаси билан ишлайди. Мутахассиснинг ишларида муваффақиятлар тилаб қоламиз", – дейилади жамоа матбуот хизмати хабарида.

Эслатиб ўтамиз, Гарсия "Сент-Этьен", "Дижон", "Ле Ман", "Лилль", "Рома", "Марсель", "Лион" ва бошқа клубларда ишлаган.

Ўзбекистон терма жамоаси етакчиси Жалолиддин Машарипов ҳаракатланадиган "Ал Насср" 2021/2022 йилги мавсумда Саудия Арабистони чемпионати турнир жадвалида учинчи ўринни эгаллади.

Ссылка :

Источник : fcalnassr.com

Получайте новости прямо в Telegram!

Рейтинг: +6