Рўзиқул Бердиев: "Қийин ва асабий ўйинда ғалабага эришдик"

- Бугунги асабий ва қийин ўйинда ғалабага эришдик ва уч очкони қўлга киритдик. Ўйинни қийин ва асабий дейишимга сабаб, биз “Олмалиқ” жамоасини бешта ҳимоячи билан майдонда ҳаракат қилишини кутмаган эдик. Бу - биз кутмаган янгилик бўлди. Шу туфайли биринчи бўлимда кўп вазиятлар ярата олмадик. Дарвозамиздан гол ўтказиб юборган пайтда ҳимоячиларимиз тартибсиз ҳаракат қилишди. Бунинг эвазига дарвозамиздан тўп олиб чиқдик. Аммо тезда гол урганимиз ўйинимизни енгиллаштирди.

Биринчи гол ўтказиб юбориб, ғалабага эришиш бу – ирода талаб қиладиган ҳолат. Бу яхши ҳолат деб, ўйлайман. Бунда жамоанинг қанчалик характерга эга эканлигини ҳам кўрсатади. Легионерларимиз  ўйинига баҳо берадиган бўлсам, аввал ҳам таъкидлаган эдим, булар ҳали тўлиқ ўйинга тайёр эмас. Улар ўз устида ишлашда давом этишаяпти. Шунинг учун уларнинг ўйини бир хил чиқаётгани йўқ. Масалан, Красич ўтган “Шўртан” жамоасига қарши учрашувда яхши ўйнади, афсуски бугун у кутилган ўйинни кўрсата олмади. Бизда энди рақобат бор, кейинги ўйинларда ким кўпроқ тайёр бўлса, майдонга туширамиз.