Рўзиқул Бердиев: "Нефтчи"нинг ўйинида мураббий имзоси сезилиб турибди"

- Ўйин қийин бўлганлигини барча кўрди. Рақиб бизга етарлича қаршилик кўрсатди. "Нефтчи" гранд жамоалар билан ўйнаб ғалаба ҳам қозонгани уларни қанчалик кучлилигини билдириб турибди. Бугун муҳим бўлган уч очкони қўлга киритдик. "Нефтчи" бежизга кучлилар қаторида юрмаганини исботлади. "Нефтчи"нинг ўйинида мураббий имзоси сезилиб турибди. Одил Ҳамробеков кичик жароҳат олгани боис уни захирага олдик ва бу билан уни финалга асрадик десам ҳам бўлади. Бизни олдинда жуда муҳим финал кутиб турибди. Барчамиз бизни нақадар масъулиятли ўйин кутиб турганини ҳис этиб турибмиз. Йирик мусобақадаги энг муҳим ўйинга бор куч-ғайратимизни сарф этамиз. "Насаф" Ўзбекистон Кубоги финалида ғалаба қозонишга қодир жамоа. Бизнинг савиямиз бу каби йирик турнирда зафар қучишга етарли деб ўйлайман. Мураббий ҳеч қачон мухлисларга ваъда бермайди. Лекин шуни ваъда берамизки, биз Ўзбекистон Кубогини Қаршига олиб келиш учун астойдил курашамиз.