Рўзиқул Бердиев: “Ишончли ғалабага эришдик”

- Аввло барча мухлисларимизни ғалаба билан табриклайман. Мени хурсанд қиладиган томони ўйинмиздан турдан турга очилиб бораяпти. Қолаверса, ҳужумчиларимиз ҳам гол уришни бошлашди.  Гарчи рақиб футболчилари асосий эътиборни ҳимояга қаратган бўлсада, бугун уларнинг дарвозасига уч бор йўл топа олдик.  Бугун ғалабага бўлган иштиёқ ва маҳорат бобида устунлик қилдик.

- Фарруҳ Сайфиевнинг бугунги ўйини ҳақида нима дея оласиз?
- Албатта, мухлислар кўпроқ у туп билан муомалада бўлганида эътибор қаратишади. Лекин унинг ижобий томони тўпсиз ҳаракатланишда уни жамоага катта ёрдами тегади. Сўнгги ўйинларда барқарор ўйин кўрсатмаётганлигини унинг ёшлиги билан боғлаш мумкин. Чунки у ўтган йили ўринбосарлар таркибидан қабул қилинган. Бирданига ундан ижобий ўйин кутиш қийин. Лекин у кўрсатётган ўйин мени қаноатлантирмоқда.