Рўзиқул Бердиев: Ишлаб чиққан тактикамиз самара берди

- Бугунги ўйинда биз кутган режа иш берди. Яъни ўйин бошидан ташаббусни рақибга берган ҳолда иккинчи рақам остида ўйнашимиз керак эди. Тезкор гол уриб олгач айнан шу тактика асосида ўйнай бошладик. Айнан шу ўйин услубини анча шакллантириб олгандик. Бу эса якунда бизга ғалаба тақдим этди. Асосан қанотлар орқали ҳужумларга ўтишимиз керак эди. Бу борада ҳам кўзлаган ниятимиз амалга ошди. Илҳом Юнусов асосан ҳужумлар ташкил этишда қатнашади. Бугунги ўйин услубимизга уни мос эмас деб топдик ва Юнусовни захирада қолдирдик. "Бунёдкор" ҳар доимгидек кучли жамоа. Уларнинг майдонидан уч очко билан қайтаётганимиздан хурсандман, - дейди Рўзиқул Саъдуллаевич.