Рўзиқул Бердиев: "Эртага натижа учун ўйнаймиз"

Рўзиқул Бердиев: "Осиёнинг энг нуфузли мусобақасида қатнашаётганимиздан хурсандмиз. биз ва мухлисларимиз буни жуда истаган эдик ва мақсадимизга эришдик. "Тракторсозий" жамоаси кучли ва жиддий рақиб саналади. Эртага ўз мухлисларимизни хушнуд этишга ҳаракат қиламиз" Тўғри, майдоннинг ҳолати чиройли футболга имкон бермаслиги мумкин. Аммо асосий вазифа бу ғалаба қозониш Ўтган мавсумлардаги иштирокимиз бизга катта дарс бўлди ва бундан керакли сабоқларни чиқариб олдик".


Артур Геворкян: Биз мавсумга жиддий ҳозирлик кўрдик. Умид қиламанки, эртанги ўйинда об-ҳаво бизга яхши футбол кўрсатимизга тўсқинлик қилмайди. "Тракторсозий" жамоасини имкон қадар яхши ўрганиб чиқдик. Рақиб ҳам кучли жамоа ва уларга қарши катта эътибор билан ўйнаш талаб этилади.

- ОЧЛда ҳам тўпурарликка ҳаракат қиласизми?
Артур Геворкян: - Худо хоҳласа бу ҳам амалга ошиб қолар. Агар бу ишни уддаласам ҳам жуда яхши бўларди. Бироқ асосийси жамоамизнинг ғалабаси. Ким гол киритишини эса фарқи йўқ.


- "Насаф" эртага ўз ўйинини намойиш этадими ёки рақибга қараб бошқа режа тузиладими?
- Рақиб анча жиддий. "Насаф" эртага мухлисларга ғалабани тақдим этишга ҳаракат қилади. Асосийси - бу ғалаба. Биз эртага ўз ўйинимизни кўрсатамиз дея олмайман. Натижа учун ўйнаймиз. Жамоага қараб ва майдоннинг ҳолатини инобатга олиб, ўйинга ўз режамизни тузамиз.

- Футболчиларнинг жисмоний ҳолати қай даражада?
- Мавсумга тараддуд кўриш жараёнида футболчиларнинг жисмоний ҳолати бўйича анча ишладик ва бу борада катта муаммоларга дуч келамиз деб ўйламайман. Ҳозирда футболчиларнинг жисмоний ҳолати 90-95 фоизга тайёр деб айта оламан.

Шаҳбоз Беғамов 

Қарши шаҳридан