Рожерс: Кавани қанча турса, Суарес ҳам шунча туради

Рожерс фикрича, Луис дунёнинг энг кучли ҳужумчиларидан бири бўлгани важидан, унга таклиф қилинаётган сумма унинг иқтидорига муносиб бўлмоғи лозим. Шу билан биргаликда Рожерс уни ҳали ҳам жамоада қолишидан умидвор.

"Кавани трансфери 55 миллион фунтга бахоланганидан кейин, Суаресники ҳам камида шунчага бахоланиши керак".

"Ҳа бизга "Арсенал"дан аниқ таклиф билан келишди. Бироқ улар таклиф қилган пул Суарес муносиб бўлганидан пастроқ деб ҳисобладик. Улар ҳатто биз талаб қилган миқдордаги пул билан келишса ҳам, унинг жамоадан кетишига кафолат йўқ. Биз уни ҳамон ўз сафимизда кўришни ва унинг атрофида жамоа қуришни истаймиз".

"У биз асло сотишни истамаётган футболчиларимиздан биридир. У шартномаси бўйича ҳам ҳали клубда уч йил ишлаши керак".

"Уни сотмасак ҳам янги футболчилар сотиб олишга пул тайёрлаб қўйганмиз", — деди Рожерс.