Россия биринчи лигаси. Вагиз Галиулин гол урди, Виталий Денисов жамоасида дуранг

"Нефтехимик" клуби ўз майдонида "Динамо-Брянск"ни 5:1 ҳисобида таслим қилди. Ҳамюртимиз Вагиз Галиулин 6-дақиқада жамоасининг биринчи голини уришга эришди ва 76-дақиқада алмаштирилди. "Нефтехимик" сафидаги яна бир ўзбекистонлик футболчи Бобир Давлатов эса захирада қолдирилди. "Нефтехимик" ушбу ғалабадан кейин ўз очколари сонини 46тага етказиб олди ва мусобақа жадвалида 7-ўринда бормоқда.


ФНЛ, 28-тур.
"Нефтехимик" - "Динамо-Брянск" 5:1
6 март. Нижнекамск. "Нефтехимик" стадиони.
Бош ҳакам - Евгений Буланов (Саранск).
Голлар: Данилин, 4 (0:1); Вагиз Галиулин, 6 (1:1); Уридия, 20 (2:1); Юшин, 69 (3:1); Первушин, 74 (4:1); Котик, 89 (5:1)

"Томь" эса мазкур турни сафарда "Текстильшик"ка қарши ўтказиб 1:1 ҳисобида дуранг ўйнади. Меҳмонлар сафида ҳамюртимиз Виталий Денисов тўлиқ ҳаракат қилди. "Томь" 28та ўйиндан 21 очко жамғариб 22та клуб орасида 21-ўринни эгаллаб турибди.


"Текстильшик" - "Томь" - 1:1
6 март. Иваново. "Текстильшик" стадиони.
Бош ҳакам - Юнус Кошко (Белореченск).
Голлар: Бачинский, 17 (1:0). Косарев, 62 - пенальтидан (1:1).