Россия. 2-тур. "Томь" - "Кубань" 1:2

“Томь” ўз майдонида “Кубань”ни қабул қилиб мағлуб бўлди – 1:2. 7-дақиқада Поповнинг ошириб берган тўпини қабул қилиб олган Бальде майдон эгалари дарвозасини аниқ нишонга ола билди - 0:1. 12-дақиқада яна ўша Поповнинг пасидан сўнг бу сафар Арас Озбилиз тўпни дарвозага жойлади - 0:2. 24-дақиқада майдон эгалари бу голларга жавоб беришди. Белгиланган жарима тўпини Кирилл Панченко қойилмақом тарзда амалга оширди ва дарвозабон тўпни нигоҳлари билан кузатиб қўйди ҳолос - 1:2. 

Учрашувда бошқа гол урилмади ва биринчи турда ўз уйида "Рубин" билан дуранг ўйнаган "Кубань" сафарда "Томь"дан уч очко олди.

Томь – Кубань 1:2 (1:2, 0:0)
20 июль, 17.00, « Труд»
Голлар: 0:1 – 6 Бальде, 0:2 – 13 Озбилиз, 1:2 – 24 Панченко.
Томь – Божович, Миланов , Башкиров, Николов, Аравин, Омельянчук, Мурешан, Игнатович (Сидоренко, 66), Голишев (Баженов, 59), Портнягин, Панченко (Сорокин, 90).
Кубань – Беленов, Козлов, Шандао, Деальберт, Бугаев, Тлисов, Каборе, Озбилиз (Соснин, 83), Попов, Букур (Цораев, 46), Бальде (Сиссе, 64).
Огоҳлантиришлар: Шандао (23), Игнатович (42), Башкиров (55).