Роппа-роса 8 йил аввал майдондаги буюм гол урилишига сабабчи бўлган (ФОТО+ВИДЕО)
17 окт 2017 11:46
Новости

Роппа-роса 8 йил аввал майдондаги буюм гол урилишига сабабчи бўлган (ФОТО+ВИДЕО)

2009 йилнинг 17 октябрь куни "Сандерленд" ҳамда "Ливерпуль" ўртасидаги Англия Премьер-лигаси учрашувида майдондаги буюм гол урилишига сабабчи бўлган эди.

Ўша баҳсда ўйинни кўриш учун стадионга ташриф буюрган болаларнинг бири майдонга пляж тўпини отиб юборади ва "Сандерленд" ҳужум қилаётган вақтда қизил тўп "Ливерпуль" дарвозабони олдига келиб қолади. "Қорамушуклар" ҳужумчиси Даррен Бент "Ливерпуль" дарвозасига зарба берди ва тўп майдондаги пляж коптогига урилиб, йўналишини ўзгартиради ва дарвозадан жой олади. Ҳакам эса ушбу голни ҳисобга олишга мажбур эди ва шундай ҳам бўлади.