Роналду янги туғилган ўғлининг вафоти сабаб "Ливерпуль"га қарши баҳсда иштирок этмайди

"Оила барчасидан устун ва Роналду бундай қийин паллада ўз яқинларини қўллаб-қувватлайди.

Шундай экан, сешанба куни "Энфилд"да бўлиб ўтадиган "Ливерпуль"га қарши ўйинда унинг иштирок этмаслигини тасдиқлашимиз мумкин. Оила махфийликка риоя қилишни сўраганини таъкидлаймиз", - дейилади МЮ хабарида.

Португалиялик октябрда Жоржина Родригес билан эгизаклар кутишаётганини айтганди. Кейинроқ, бу ўғил ва қиз бола эканлиги маълум бўлган эди. Кеча, Криштиану ўғлининг вафоти ҳақида маълум қилди.