Роналду термадаги юбилей голини урди
11 сен 2019 00:15
Новости

Роналду термадаги юбилей голини урди

Айни дақиқаларда Евро-2020 саралашидан ўрин олган Литва – Португалия баҳси бўлиб ўтмоқда.

Учрашувнинг 7 дақиқасида меҳмонлар сардори Криштиану Роналду рақиб дарвозасига белгиланган пенальтини аниқ амалга ошириб, ҳисобни очди. Мазкур гол Роналдунинг терма либосидаги юбилей 90 бўлди. 34 ёшли футболчи ушбу натижага 160 ўйинида эришди. Криштиану термадаги голлар бўйича Европа рекордчиси ҳисобланади.

Жаҳон рекорди эса эронлик афсонавий ҳужумчи Али Даига тегишли. У 149 баҳсда майдонга тушиб, рақиблар дарвозасини 109 бора ишғол этган.