Роналду: "Фаолиятим якунига кўп мавсум қолмади"
12 июн 12:42
Новости

Роналду: "Фаолиятим якунига кўп мавсум қолмади"

Кеча Португалия терма жамоаси ўртоқлик учрашувида Ирландияни 3:0 ҳисобида мағлуб этди.

Беллашувда Криштиану Роналду дубл қайд этди. Баҳсдан кейин Роналду Португалия учун 39 ёшда гол уриш нима эканлиги ҳақида гапириб ўтди.

"Гол уриш ёқимли, мен футболдан завқ олишга ҳаракат қиламан. Менинг фаолиятим якунига кўп мавсум қолмаганини биламан. 35 ёшдан кейин ҳар мавсум ўйнаш - бу ўзгача лаззат. Мен 39 ёшдаман ва ҳар йилимдан завқ оляпман.
Голлар уриш - менинг ДНКамни бир бўлаги. Муҳими - ўзингни ишингга бағишлаш. Менинг миллий терма жамоамизга бўлган муҳаббатим чексиз.
Совринлар? Улар ҳақида орзу қиламан", - деди Криштиану "SportTV" эфирида.