Роналду: "Ал Насср"га олдинроқ келмаганимдан афсусдаман"

"Ал Насср"да жуда бахтлиман. Ушбу клубда ўзимнинг энг яхши ўйинларимни намойиш қилишни истайман. "Ал Насср"га олдинроқ келмаганимдан афсусдаман. Айни дамда шу ердаман ва жамоанинг ғалабаларида муносиб ҳиссамни қўшаётганимдан мамнунман.

Европадаги фаолиятимдан кўра "Ал Насср"да икки карра кўпроқ куч билан ўйнашга ҳаракат қиламан ва ушбу ажойиб клуб учун меҳнат қилишдан тўхтамайман", - деди 38 ёшли португалиялик футболчи.

Роналду ўтган йилнинг декабрида "Ал Насср"га бориб қўшилди. У 2023 йилда клуби ва термаси таркибида 50та гол киритишга муваффақ бўлди.