Родригога Англиядан харидор чиқди

"Челси" "Реал" ҳужумчиси Родриго билан боғлиқ вазиятни синчковлик билан кузатмоқда ва ёзги трансфер ойнаси очилиши биланоқ уни ўз сафига қўшиш имкониятини кўриб чиқмоқда. Бу ҳақда Goal хабар бермоқда.

Манба маълумотига кўра, ҳозирча Лондон клуби "Реал" билан расмий музокараларни бошламаган, бироқ 24 ёшли футболчининг вакиллари билан алоқага чиққан.

Аввалроқ, оммавий ахборот воситаларида Родригонинг "Реал"даги ўз ролидан қониқмаганлиги ва "Қироллик клуби"ни тарк этиш ҳақида ўйлаётгани тўғрисида хабарлар тарқалган эди.

Жорий мавсумда Родриго барча мусобақаларда 50 та ўйинда иштирок этиб, 13 та гол урди ва 10 та гол узатмаси берди. Футболчининг клуб билан амалдаги шартномаси 2028 йилнинг ёзигача мўлжалланган. .