Родриго "Реал"да қолмоқчи. Футболчи Алонсонинг фикрини ўзгартириш ниятида

Аввалроқ мадридликлар вингерига "Ливерпуль" ва "Арсенал" қизиқиш билдирганини хабар қилинган эди. "Реал" бразилиялик футболчини 100 миллион еврога баҳоламоқда.

Аs нашрининг маълумотига кўра, "Реал" ҳозирча Родриго бўйича таклиф олмаган, бироқ трансфер ойнаси ёпилишига яқин бундай таклифлар тушиши мумкин.

Хабар қилинишича, таътилда бўлган Родриго мавсумолди тайёргарлик бошланишига қадар яхши формага кириш учун тинимсиз меҳнат қилмоқда - вингер мураббий Хаби Алонсони ўзининг жамоага фойдали бўлиши мумкинлигига ишонтирмоқчи.

Бразилиялик футболчи 4 август куни жамоа билан машғулотларга қайтиши керак.