Роберто Мартинес: "Лукакунинг майдонга тушиши катта сўроқ остида"

Футболчи терма жамоа ихтиёрига тўпиғидаги жароҳат билан етиб борди, энди у шанба куни Босния ва Герцеговинага қарши ўйинни ўтказиб юбориши мумкин.

"Ҳозир Лукаку алоҳида шуғулланмоқда. У келганидан бери жамоа билан машғулот ўтказмаяпти. Бироз сабрли бўлишимиз керак.

Унинг шанба кунги ўйиндаги иштироки катта сўроқ остида. Биз жума куни қарор қабул қиламиз, лекин унга шанба куни ўйнаш оғир бўлади. Шу сабаб, у сешанба куни Кипрга қарши баҳсда иштирок эта олади деб умид қиламиз.

Ромелу ўйнашни хоҳлайди. Унинг тўпиғида кичик жароҳат бор. Муҳими, унинг тўлиқ тикланиши", - деди Мартинес.

Лукаку ЖЧ-2018 саралашида 10та гол билан тўпурарлар пойгасида учинчи ўринда бормоқда. Фақат Криштиану Роналду (14та) ва Роберт Левандовски (12та) ундан кўп гол урган.