RU

Последние новости

12:20Жоэль Кожо нима учун "Динамо"га эмас, "Нефтчи"га ўтганини сабабини айтди  1 12:13"Барселона" ва яна учта клуб "Интер" футболчисига даъвогарлик қилмоқда  0 11:48Хойлунднинг янги клуби маълум  0 11:23МЮ собиқ футболчиси Бразилияга йўл олди  1 10:47Португалия терма жамоасининг бўлажак ўйинлар учун таркиби маълум  4 10:15"Ньюкасл" "Реал" футболчисига 100 миллион евро таклиф қилди  0 09:43Испания терма жамоасининг бўлажак ўйинлар учун таркиби маълум  2 09:16"Манчестер Сити" ҳимоячиси учун курашга "Тоттенхэм" ҳам қўшилди  1 08:48Here we go! "Арсенал" яна бир трансферни якунлади  7 08:20Антонининг "Бетис"га трансфери барбод бўлди  7 07:42Испания терма жамоаси аъзоси АПЛнинг ўртамиёна клубига ўтди  1 07:15CAFA. Бугун Ўзбекистон МТЖ ўз юришини бошлайди  16 01:49А Серия. "Милан" мавсумдаги илк ғалабасини қўлга киритди  1 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  27

Робби Кин билан интервью Новости

Робби Кин билан интервью

Бир неча кунлар олдин Ирландия футболи афсоналаридан бири саналган Робби Кин терма жамоадаги фаолиятини тугатганини эълон қилди.


Уммонга қарши ўртоқлик учрашуви арафасида Робби мамлакат футбол федерацияси сайтига интервью бериб, терма жамоа учун ўтказган энг яхши ўйинларини эслаб ўтди ҳамда мухлисларга ишонч ва ўзини қўллаб-қувватлашгани учун миннатдорчилик билдирди.


– Терма жамоадаги фаолиятингизни тугатганингизни айтганингиздан кейин нималар ҳақида ўйладингиз?

– Тўғриси, ҳалигача бунга ишонмаяпман. Менда аралаш ҳиссиётлар бор. Яшил рангли либосни яна бир бор кийиш ва мухлисларга миннатдорчилик билдириш ёқимли бўлади – улар 18 йил давомида менга ажойиб муносабатда бўлишди. Хайрлашув ўйини мен ва оилам учун катта аҳамият касб этган. Уни сабрсизлик билан кутдим.

– Охирги 18 йилда терма жамоада эслайдиган воқеаларингиз кўп: йирик турнирларда иштирок этиш, терма жамоа тарихида энг яхши тўпурарга айланиш, ўйинлар борасида рекордчига айланиш. Ёдингизда кўпроқ нима сақланиб қолди?

– Шубҳасиз, 2002 йилги жаҳон чемпионати. Германияга урган голимни ҳамиша эсимда сақлайман. Ўзингча яшаб, футболчилар ёрлиғини йиғасан ва бирданига жаҳондаги энг муҳим учрашувларда майдонда пайдо бўласан. Ўша голимни ҳеч қачон унутмайман.

Узоқ вақт сардор бўлдингиз. Аввалги етакчилардан нималар ўргангансиз?

– Менга сардорлик боғичини топширилган кун фаолиятимдаги ҳал қилувчи лаҳзалардан бирига айланган. Менга катта фахр беришди, мураббийдан жуда миннатдор бўлганман. Оддий футболчиларни ўйинига қараб баҳо беришади. Сардорга айланганингда сенда умуман бошқача роль пайдо бўлади. Қийин ҳолатларда дўстларингни қувватлашинг керак, майдондан ташқарида янги мажбуриятлар юзага келади. Бошқалар учун ўрнак бўлиб, ўзингни максимум бағишлашинг даркор. Бу менга инсон ва эркак сифатида ўсишимга ёрдам берди – анча эрта саналган 26 ёшда сардорга айлангандим. Ўшанда жуда хурсанд бўлгандим.

– Шу йиллар давомида кўплаб афсонавий ўйинчилар билан майдонда тўқнаш келдингиз.

– Ҳа, жаҳоннинг энг яхши футболчиларига қарши ўйнадим. Месси, Зидан, Роналдо билан либослар алмашдим. Уларни Ирландиядаги уйимда сақлайман. Ўйлашимча, Зидан ҳам либосимни бирор жойга осиб қўйган.

– Терма жамоа учун ғурурни ҳис қиласизми?

– Албатта. Ирландияда ўсган бошқалар сингари жамоамни севаман. Жуда ёш – 15 ёшда хорижга йўл олганда бу севги янада кучлироқ бўлади. Яшил либосни кийган ҳар куни байрамга айланган. Терма жамоа учрашувлари куни ўзимни 7 ёшли болакайдек ҳис қилганман. Бу ҳислар ҳеч қачон ўтиб кетмайди. Жаҳонда Ирландия терма жамоаси учун ўйнашдан яхшироқ нарса йўқ. Фаолиятим мобайнида турли клублар шарафини ҳимоя қилганман, аммо яшил либос менга энг лойиқ тушган.

Охирги учрашув арафасида мухлисларга нима етказишни хоҳлардингиз?

– Раҳмат. Қўллаб турганингиз учун барчангизга раҳмат. Сиз хурсандчиликда ҳам, ғамда ҳам ажойиб бўлдингиз. Сиз ёш боладан эркакликкача ўсганимни кўрдингиз. Сиз учун ўйнаш менга ҳамиша ёқимли бўлган. Бир неча ойдан кейин Ирландияга қайтиб, сизлар билан трибунада бирга ўтиришни режалаштиряпман.

Беҳзод НАЗАРОВ тайёрлади.

Рейтинг: +3   

Комментарии

championat.asia
< посмотреть последние новости
Яндекс.Метрика