Ривалдо: "Месси ЖЧни ютмагунича, у аргентиналиклар учун Марадонадек афсона бўла олмайди"
09 июн 2018 14:24
Новости

Ривалдо: "Месси ЖЧни ютмагунича, у аргентиналиклар учун Марадонадек афсона бўла олмайди"

"Барселона" ва Бразилия терма жамоаси собиқ форварди Ривалдонинг сўзларига кўра, Аргентина терма жамоаси ҳужумчиси Лионель Месси Марадона каби афсона бўлиш учун мундиалда ғолиб бўлиши керак.

"Месси "Барселона" учун қилган меҳнатлари ва футболга қўшга ҳиссасини ҳисобга олсак, уни афсона деб ҳисоблаш мумкин. Бироқ Аргентинанинг энг ёрқин афсонаси жаҳон чемпиони бўлган Марадона.

Шу сабабли аргентиналиклар Мессини Марадона даражасидаги афсона деб ҳисобламаса керак. Терма жамоа мухлислари учун клубда қилган ишларингизнинг қизиғи йўқ. Месси "Барселона"да кўплаб совринларни қўлга киритди ва бу клуб мухлислари учун муҳим.

Бироқ терма жамоа ишқибозларига жаҳон чемпионати керак. Бу футболдаги энг муҳим соврин.

Месси ЖЧни ютмагунича Марадона даражасига ета олмайди. Бироқ унга ишонаман.

Лионель клуб ва мамлакати учун кўп тер тўккан. Ҳозир у ажойиб формада, яхши ўйин кўрсатмоқда. Лионель Аргентинани финалга олиб чиқади деб умид қиламан. Чунки бу унинг сўнгги имконияти.

Лео аргентиналиклар учун афсона бўлмаслиги мумкин, бироқ футбол учун афсона" - дейди Ривалдо.

Ссылка :

Источник : Goal

Получайте новости прямо в Telegram!

Рейтинг: +18