Рибери жароҳат олди

Италия чемпионатининг 14-туридан ўрин олган “Лечче”га қарши (1:1) баҳсда “Фиорентина” клуби ярим ҳимоячиси Франк Рибери жароҳат олди.

Ўтказилган тиббий кўрик натижасида Риберининг ўнг тўпиғидан жароҳат олгани қайд этилган. Клуб матбуот хизмат футболчи тез кунларда қайтадан чуқурлаштирилган тиббий кўрикдан ўтишини маълум қилган.

Маълумот учун, Рибери жорий мавсум А Cерия доирасида 11 та ўйин ўтказиб, 2 та гол урди ва 2 та голли узатмани амалга оширди.