Рэшфорддан навбатдаги хайрли иш. У ўзининг китоб клубини очди

Бу сафар форвард болалар ўртасида китобхонликни тарғиб қилиш мақсадида "Macmillan Children's Books" билан ҳамкорликни йўлга қўйди.

Буюк Британия бош вазири Борис Жонсон болаларни китоб ўқишдан завқлантирадиган қарорни мамнуният билан қабул қилди.

Маркус Рэшфорд ўзининг болалар учун мўлжалланган янги китоб клубининг очилиши ҳақида эълон қилганидан сўнг Жонсоннинг расмий вакили шундай чиқиш қилди: "Бу фантастика. Маркус Рэшфорд китобларнинг таъсир кучини янада оширишга интилмоқда. Биз унинг кўплаб болаларга китоблардан завқланиш имконини берадиган китоб клубини қўллаб-қувватлаймиз".

Рэшфорд Буюк Британиянинг ҳар бир болакайини кўпроқ китоб ўқишга чақирди ва уларга китобларни ўз кампанияси доирасида бепул етказиб бериш (ўз ҳисобидан олиб бериш)га ваъда берди.

Маркуснинг ўзи бу ҳақда шундай деди: "Менинг китобларим ҳар бир болакай учун, ҳатто уларни ўзим етказиб беришимга тўғри келса ҳам. Биз уларни етказиб берамиз".

"The Marcus Rashford Book Club" кампанияси қисқа фурсатда кўплаб олқишлар ва қўллаб-қувватловларга бурканди.