"Реал" "Бенфика" ҳимоячиси билан келишиб олди, клубни рози қилиш қолди
08 июл 2025 22:40
Новости

"Реал" "Бенфика" ҳимоячиси билан келишиб олди, клубни рози қилиш қолди

Мадрид "Реал"и "Бенфика" билан қанот ҳимоячиси Альваро Каррераснинг эҳтимолий ўтказилиши бўйича музокара жараёнини қайтадан бошлади.

Бу ҳақда Marca хабар бермоқда. Аввалроқ, Португалия клуби президенти Руй Кошта "Реал" 22 ёшли футболчига таклиф билдирмаганини маълум қилган эди.

Манба маълумотига кўра, ҳозирча Альваро Каррерас трансфери бўйича битим якунига етмаган, бироқ томонлар келишувга яқинлашиб қолишган. Шу билан бирга, "Қироллик клуби" аллақачон "Бенфика" ҳимоячиси билан шахсий шартнома шартлари бўйича тўлиқ келишувга эришган.

Ўтган мавсумда Каррерас барча мусобақаларда 52 та ўйинда иштирок этиб, 4 та гол урди ва 5 та голли узатма берди. Футболчининг клуб билан амалдаги меҳнат шартномаси 2029 йил ёзигача мўлжалланган. Transfermarkt порталида келтирилган маълумотларга кўра, футболчининг бозор қиймати 35 миллион еврони ташкил этади.

Ссылка :

Источник : Marca

Получайте новости прямо в Telegram!

Рейтинг: +1