Равшан Эрматов ва Абдуҳамидилло Расулов Бразилиядан Тошкентга етиб келди
16 июл 2014 10:29
Новости

Равшан Эрматов ва Абдуҳамидилло Расулов Бразилиядан Тошкентга етиб келди

Ўзбекистонлик ФИФА рефериси Равшан Эрматов 16 июль Тошкент вақти билан соат 06:30да Истанбул орқали Тошкентга учиб келди.

12 июнь - 13 июль кунлари Бразилияда бўлиб ўтган футбол бўйича навбатдаги жаҳон чемпионатида ишлаган ўзбекистонлик ФИФА рефериси Равшан Эрматов ва ФИФА лайнсмени Абдуҳамидилло Расулов 16 июль, чоршанба куни Тошкент вақти билан соат 06:30да Истанбул орқали Тошкентга учиб келишди.

Ўз фаолиятида кетма-кет иккинчи Жаҳон чемпионати финал босқичи ўйинларида ишлаган Равшан Эрматов ва Абдуҳамидилло Расуловни Тошкент халқаро аэропортида футбол жамоатчилиги, ЎФФ раҳбарияти, бир қатор ОАВ ҳодимлари ва уларнинг яқинлари кутиб олишди.

Эслатиб ўтамиз, ФИФА рефериси Равшан Эрматов Бразилияда бўлиб ўтган мундиалда жами тўртта - Гуруҳ босқичи 1-туридан ўрин олган Швейцария-Эквадор, 3-тури доирасидаги АҚШ-Германия, 3-тур доирасида Мексика-Хорватия, чорак финалдан ўрин олган Голландия-Коста-Рика учрашувларини бошқариб борди ва кетма-кет икки Жаҳон чемпионатларида бошқарган жами 9та ўйин билан Жаҳон чемпионатлари рекордини ўрнатган эди.

Ссылка :

Источник : the-uff.com

Получайте новости прямо в Telegram!

Рейтинг: