RU

Последние новости

10:00Салоҳ АПЛ чемпионлигига асосий даъвогар жамоа номини айтди  2 09:32Украиналик футболчи учун курашда "Бенфика" ютиб чиқди  0 08:40Бухорога Суперлига ўйинларини қайтариш ҳаракати бошланди  3 08:17Sofascore. Захирадан майдонга тушган Ўринбоев энг катта баҳолардан бирини олди  3 07:52"CAFA Nations Cup-2025" . Қўшниларимиз ўзаро дуранг ўйнаган учрашувдан ФОТОГАЛEРEЯ  0 07:25"Ал Иттиҳод" мавсумни йирик ғалаба билан бошлади. Бенземадан хет-трик  1 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  26 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  2 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  22 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  52 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  8

Равшан Эрматов ким учун омадли? Новости

Равшан Эрматов ким учун омадли?

Ниҳоят, шунча гап-сўздан кейин Равшан Эрматов яна "Пахтакор" иштирокидаги баҳсни бошқаради.

Бугун бўлиб ўтадиган "Насаф" - "Пахтакор" учрашувини энг таниқли ҳакам Равшан Эрматов бошқариб боради. Унга қанотларда Абдулҳамид Расулов билан Жаҳонгир Саидов ёрдам берса, Аҳрол Рисқуллаев билан Валентин Коваленко дарвоза чизиғи ёнидаги ҳакам вазифасини бажаришади. Хуллас бугунги ўйинда ҳакамлар кўп.

Лекин ҳуштак Эрматовнинг қўлида бўлади. Демак, у нима деса шу. Яхши биласиз, Равшан Эрматов "Пахтакор" иштирокидаги ўйинларга кўп ҳам қўйилмайди. Бунга сабаб сифатида Эрматовнинг "Пахтакор" учун "омадсиз" ҳакам экани тилга олинаверади. Аслида ҳам шундайми? Статистикага мурожаат қиладиган бўлсак, бу ҳакам бошқарган ўйинларда "Пахтакор" ғалаба қозонган, лекин мағлубиятга ҳам учраган.

Келинг, шу ўринда Эрматов бошқарган "Пахтакор"нинг охирги бешта ўйинига эътибор қаратсак. Равшан Эрматов ўтган йил "Пахтакор" иштирокидаги атиги битта баҳсни бошқарди ва жамоа "Динамо" билан 0:0 ўйнади. Бу йил ҳисобидан эса биринчи марта бошқаради.

Эрматов бошқарган охирги бешта учрашувда "Пахтакор" уч марта ғалаба қозониб, биттадан мағлубият ва дуранг қайд этган. Қизиғи шундаки, 2015 йил Қаршида кечган "Насаф" - "Пахтакор" баҳсини айнан шу ҳакам бошқарган ва унда "Пахтакор" 1:0 ҳисобидаги ғалаба билан қайтган. Қуйида охирги бешта ўйинни келтириб ўтамиз.

2015 йил
"Пахтакор" - "Локомотив" 2:1
"Насаф" - "Пахтакор" 0:1

2016 йил
"Локомотив" - "Пахтакор" 1:0
"Пахтакор" - "Локомотив" 2:1

2017 йил
"Динамо" - "Пахтакор" 0:0

Ана энди Эрматов бошқарган "Насаф"нинг ўйинларига эътибор қаратсак. Охирги бешта ўйинни ёдга оладиган бўлсак, "Насаф" икки бор ғалаба қозониб, икки марта ютқазган ва битта дуранг қайд этган. "Насаф" ўтган турда "Бунёдкор" меҳмони бўлиб, 1:2 ҳисобида имкониятни бой берди. Шу учрашувни Эрматов бошқариб борди. Мана энди "Насаф"нинг кетма-кет иккинчи ўйинида ҳам Эрматов ва унинг бригадаси ҳакамлик қилади.

2017 йил
"Бунёдкор" - "Насаф" 3:2
"Сўғдиёна" - "Насаф" 0:3
"Насаф" - "Металлург" 2:0

2018 йил
"Нефтчи" - "Насаф" 0:0
"Бунёдкор" - "Насаф" 2:1

Умуман олганда Эрматов жуда тажрибали ҳакам. Унинг учун турнинг марказий баҳсларини бошқариш чўт эмас. Биз эса кўпроқ жамоалардан чиройли ўйин кутиб қоламиз. Мана шундай тўқнашувларда футболчилар ўз салоҳиятини намоён этишини ва голлар кўп бўлишини хоҳлаймиз.

Автор : Xayrulla Xoliqov
Рейтинг: +7   

Комментарии

championat.asia
< посмотреть последние новости
Яндекс.Метрика