Равшан Эрматов Австралия - БАА учрашувини бошқаради

Осиёнинг беш карра энг яхши ҳаками Равшан Эрматов ярим финалда ҳам ишлайдиган бўлди. У Австралия ҳамда БАА терма жамоалари ўртасидаги учрашувини бошқариб боради. Унга қанотларда одатдагидек, Абдулҳамидулло Расулов ва Баҳодир Қўчқоров ёрдам беришади. Ушбу ўйин 27 январь куни Ньюкасл шаҳридаги "Ньюкасл" стадионида ўтказилади.

Осиё Кубоги-2015
Ярим финал, 14:00
Ньюкасл, "Ньюкасл" стадиони
Австралия - БАА
Бош ҳакам: Равшан Эрматов
Қанот ҳакамлари: Абдулҳамидулло Расулов (Ўзбекистон), Баҳодир Қўчқоров (Қирғизистон)
Тўртинчи ҳакам: Абдулраҳмон Ҳусайн (БАА)
Назоратчи: Субҳиддин Моҳд Солиҳ (Малайзия)
Комиссар: Камел Токабаев (Қирғизистон)

Бундан олдин Эрматов бригадаси гуруҳ босқичи доирасидаги Австралия - Қувайт, Қатар - Эрон ва Япония - Иордания учрашувларида ишлаганди.