Расмий хабар: ЖЧ-2022да 48 эмас 32та жамоа қатнашади. Бунга сабаб нима?

Бунга қадар жамоалар сонини 48тага етказиш борасида ишлар олиб борилганди. Бироқ Қатарнинг ҳеч бир қўшниси мундиал ўйинларини қабул қилишга тайёр эмаслиги маълум бўлди.

Қатарнинг ўзи стадионлар учун талаб кичикроқ бўлган тақдирда 48та жамоалик мусобақани ўтказишга ҳам тайёр эди. Қатар аввалдан айтилганидек 8та стадионга қўшимча тарзда яна 4та стадионни мундиал учун тайёрлаши мумкин эди, фақат уларнинг сиғими 20 000 томошабиндан кам бўларди. ФИФА эса бунга рози бўлмади.

Шу тариқа 2022 йилги мундиалда ўтган йиллардаги каби 32та терма жамоа иштирок этади.

Ўзбекистон терма жамоаси шу йилнинг сентябрь ойидан Жаҳон чемпионати саралаш баҳсларини бошлайди.