Расман: Томас Тухель мавсум охирида "Бавария"ни тарк этади

Мюнхенликлар Германия кубогидан эрта чиқиб кетишди, Суперкубокда мағлуб бўлишди, Бундеслигада "Байер"дан 8 очко ортда қолмоқда, ЕЧЛда "Лацио"га сафарда ютқазди.

Бироз аввал "Бавария" матбуот хизмати бош мураббий билан ҳамкорлик 2025 йилнинг 30 июнида эмас, 2024 йилнинг 30июнида тўхтатилишини эълон қилди. Бундай қарорга клуб бош директори Ян-Кристиан Дризен ҳамда Томас Тухель ўртасидаги суҳбатдан сўнг келинган.

Томас Тухель 2023 йилнинг март ойида Юлиан Нагельсманни алмаштирган ва 2 ойдан кўпроқ вақт ўтиб Бундеслигада чемпион бўлганди.