Расман: Қишнинг илк "қайноқ" трансфери эълон қилинди! (ФОТО)
21 дек 2017 14:15
Новости

Расман: Қишнинг илк "қайноқ" трансфери эълон қилинди! (ФОТО)

Мюнхеннинг "Бавария" клуби танаффусга йўл олиши биланоқ дастлабки трансферга қўл урди.

Кеча Германия кубогида "Боруссия" Дортмунд билан куч синашиб, 2:1 ҳисобида ғалаба қозонган ва чорак финалга йўл олган "Бавария" бугун янги ҳужумчи сотиб олганини эълон қилди.

"Хоффенхайм" ҳужумчиси Сандро Вагнер эндиликда фаолиятини "Бавария"да давом эттиради.

Мюнхен клуби ҳужумчи билан 2020 йилга қадар шартнома имзолади.

Сандро Вагнер "Бавария" академияси тарбияланувчиси ҳисобланади.

Вагнер "Бавария"да 2-рақам остида ҳаракат қиладиган бўлди.